कोरोनाको पर्खाल

कोरोनाको पर्खाल:

पर्खाल धेरै किसिमका हुन्छन्| कुनै पर्खालले जोगाउँछन् त कुनैले तहसनहस पार्छन्| जसरी इट्टाको पर्खाल

बनाउनु मान्छेको हातमा हुन्छ त्यसैगरी सम्बन्धको बिचमा पर्खाल ठड्याउनु पनि सबै मान्छेकै हातमा हुन्छ|

तर इट्टाबाट बनेका पर्खालहरु भत्काउनु जती सजिलो हुन्छ सम्बन्धको बिचमा बनेको पर्खाल तोड्न उत्तिनै गाह्रो|

केही त्यस्ता पर्खालहरु त कहिलै पनि नफुट्ने गरी बिकराल रुप लिएरबसिदिन्छन् |

शायद त्यस्तै कुनै पर्खाल यो कोरोनाले बनाउँदै छ कि! बिचार गरौँ!

जीवन सबैको अमुल्य छ | एउटा VENTILATOR मा बसेर आफ्नु १०० औँ बर्ष बाँचिरहेको OLD MAN लाई

पनि अज्जै बाँच्ने इच्छा हुन्छ| कलिलै उमेरमा दुर्घटनामा परेर ज्यान गुमाएकी ति सुन्तलीलाइ मर्ने मन त पक्कै

थिएन|

एउटा महान भनाइ छ:

"समय भन्दा पहिले र भाग्य भन्दा धेरै कसैले कहिलै पाउँदैन।" 

तर जीवन जती अमुल्य हुन्छ, त्यो भन्दा पनि अमुल्य सम्बन्ध हुन्छ| कोही आफ्ना रगतका नातालाई महत्व

दिन्छन् त कोही आफ्ना मित्रताका| तर जो कोइ होस् आखिर मान्छे भएपछी भावना त सबैमा हुन्छ नै|

जहाँँ माया हुन्छ त्यहाँ कोरोनाको पनि केही महत्व हुन सक्दैन | 

भगवान् कृष्णले अर्जुनलाई युद्धको बेला दिनु भएको अर्ती आज म फेरी सम्झिन चाहन्छु|

"जसरी मान्छेले पुराना वस्त्रहरु त्यागेर नयाँ वस्त्र धारणा गर्दछ,त्यसैगरी आत्माले पनि पुराना तथा व्यर्थका

शरीरहरुलाई त्यागी नविन भौतिक शरीर धारण गर्दछ।"(२.२२-श्रीमद्भग्वद्गिता यथारुप)

म धार्मिक हैन तर ज्ञानको सधैं पूजा गर्छु| प्राय मान्छेहरु अजम्बरी जसरी बाचिरहेका हुन्छन्|

मनमा रिश राग पालेमा शरीरमा रोग लाग्छ, जिन्दगी र धनको मोहमा लिप्त भएमा जीवनमा सुख रहदैन|

यो शरीर त एक दिन नाश हुनु नै छ| बाँच्छ त केवल सम्बन्ध|

तर सम्बन्धलाई छि-छि र दुर-दुर गर्ने मान्छे बाँचे पनि अक्सर जिउँदै मर्ने गर्छ| 

कोरोनाबाट त्रसित सबैलाई म सजक रहेर आफ्नु मानसिक स्वाथ्यको पनि उत्तिकै ध्यान राख्नुहुन आह्वान गर्छु|

कोरोनाले लगोस् या नलगोस् डरले चैँ पक्कै लग्छ| कोरोनाले सबै मर्दैनन् र को मर्छ पनि भन्न सकिन्न

तर कोरोनाको पर्खालले चै तपाईं पक्कै पनि कसैको लागि जिउँदै मर्नु हुनेछ|

कोरोनाको पर्खाललाई बहिस्कार गरौँ।

यहाँ कोही अछुत छैन र कोरोना कस्लाई लागेको छ या छैन भन्न पनि सकिँदैन।

घरमै बसौँ र मानवताको लागि कृपया अरुलाई छि-छि र दुर-दुर नगरौँ।